“Mantene bo defensa halto” Maneho pa ‘Bedlegerig’ patient na cas por ricibi vacuna di Influenza y/of COVID-19
ARUBA- 02.11.2023. Pa proteha e grupo di risico cu ta ensera ciudadanonan ‘bedlegerig’ na cas di bira hopi malo, desaroya complicacion y asta fayece debi na infeccion cu e virus di Influenza of COVID-19, DVG ta bay cuminsa ofrece e vacuna anual di Influenza y tambe e vacuna di COVID-19 cu ta contene e variante mas actual na ‘bedlegerig’ patient (esnan na cama/inmobil) na cas.
Tur famia cu ta desea pa nan familiar cu ta na cama na cas ricibi e vacuna anual di Influenza y/of COVID-19 por tuma contacto cu DVG na telefoon 5224200 pa registra. DVG lo tin un team di enfermeronan cu lo pasa na cas segun cita pa vacuna.
| Grupo di risico | COVID-19 | Influenza | Rekisito |
| 1.’Bedlegerig’ patient (na cama) cuminsando for di 6 luna di edad.
|
X | X | AZV |
Tur ‘bedlegerig’ pashent cuminsando for di 6 luna, ta bin na remarke pa ricibi e vacuna di Influenza y COVID-19 completamente gratis. Tur lokual ta nesesario ta un prueba di AZV y un cita cu mester wordo traha na DVG via telefoon 5224200.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
- Aruba cu caso di Dengue interna na hospital DVG ta alerta comunidad pa yuda stop e transmision di Dengue
- No tin motibo pa alerta Aruba no tin brote di Dengue
- Cuido Salud Hubenil y Wit Gele Kruis a firma convenio pa cu intercambio di informacion riba desaroyo y salud di muchanan
- Instituto di calidad ta informa Tur organisacion den cuido mester registra anualmente
- Riba situacion di hospital DVG cu suplica na comunidad, pa yuda alivia e situacion
