Veterinaire dienst ta traha cu e meta pa proteha salud general di e poblacion di Aruba y tambe salud di animalnan.
Veterinaire dienst
Veterinaire dienst ta traha cu e meta pa proteha salud general di e poblacion di Aruba y tambe salud di animalnan.
Salud di e poblacion ta wordo proteha door di introduccion y implementacion di maneho y reglanan pa preveni cu carni of productonan di carni cu no ta saludabel drenta e mercado di Aruba y tambe door di preveni zoönosis di drenta e pais.
Zoönosis ta malesanan cu por wordo transmiti di bestia pa hende (manera rabies y aviare influenza).
Pa proteha salud di bestia enfasis ta wordo buta riba prevencion, door di controla nos frontera. Den caso di un brote di malesa di bestia, ta ehecuta control pa repara e daño.
Veterinaire dienst tambe tin un funcion den proteccion di medio ambiente, specialmente ora ta trata di animalnan den peliger di extencion y cu ta wordo proteha.
Trabou di Servicio Veterinario ta encera:
Salud Publico
- Control di carni y productonan di carni.
- Mantene supervicion y control riba salud di cria, keurmento di carni y aspectonan di calidad di productonan di animal.
- Combati malesanan di animal na momento di importa of exporta bestia.
Salud di Animal
- Control riba importacion di animal bibo.
- Maneho di brote di malesa.
- Laboratorio Veterinario.
- Brinda sosten pa prepara, traha y evalua maneho riba tereno di salud di animalnan y proteccion di animalnan na peliger.
Maneho di CITES FAUNA
- Maneho di Autoridad Scientifico CITES.
- Autoridad scientifico CITES.
Matansa di cria local
Pa ley animalnan di cria manera cabrito, carne, porco y baka por wordo mata solamente na abbatoir cu ta e localidad publico situa na Barcadera. Semper mester hasi afspraak por lo mensos un dia adelanta na administratie di Veterinaire Dienst, sea telefonicamente of personal na balie, pa por mata bestia. Sin afspraak no tin matansa.Tur bestia ta wordo inspectiona prome y despues di e matansa y controla pa empleadonan specialisa riba e tereno aki. Si e carni ta aproba e ta haya un stempel na cuater diferente parti y solamente e ora e propietario por bende e carni riba mercado local. Dianan di matansa ta riba diamars y diahuebs y e animalnan mester wordo trece entre 7:oo y 9:00 di mainta; despues di 9.00 no ta tuma mas bestia riba e dia ey. Medio November y December di cada anja e servicio di matansa cu afspraak ta di dialuna pa diahuebs.
Entrega di certificado di importacion/exportacion di animalnan bibo
Importacion di cacho y pushi:
- Importacion di cacho y pushi procedente di Zuid y Midden America incluyendo Mexico of for di Cuba, Haiti y Republica Dominicana ta prohibi.
- Importacion di cacho y pushi for di otro paisnan of partinan por wordo permiti cu e documentonan di biahe adecuado.PAGA ATENCION: Importacion di cacho y pushi for di paisnan cu risico di malesanan di bestia, por wordo nenga si no por cumpli cu exigencianan.
Exportacion di cacho y pushi
- Pa exportacion di cacho y pushi pa exterior ta wordo conseha pa tuma contacto cu e pais destina pa ta bon informa riba nan exigencianan.
Importacion/Exportacion di demas animal:
- Certificadonan di Importacion/Exportacion y documentonan di CITES ta dura tres dia y tin costo na esaki.
Pa mas informacion por tuma contacto cu Servicio Veterinario na 5224310 / 5224200 of via email [email protected]
