1. Peticion pa permiso na DIMAS
- Riba e formulario di ‘Voorlopige Toelating Aruba’ (VTA), e solicitante ta ricibi informacion cu e mester presenta na un dokter aproba dor di Directie Volksgezondheid (DVG) pa un screening medico obligatorio. Nota: Na e momentonan aki e screening aki ta wordo ehecuta pa dokternan di Medwork. Na momento cu mas dokter keda aproba pa DVG, nan lo wordo menciona aki.
- Pa traha un cita, e solicitante mester presenta personalmente na Medwork situa na Margrietstraat 3, Oranjestad, riba dianan di trabou (dialuna pa diabierna) entre 8:00-12:00 y 13:00-16:00 cu un paspoort valido i e carta di ‘Admishon Provisional Aruba’. E gastonan mara na esaki ta Afl. 75.00 y mester paga esaki na momento cu bin pa traha e afspraak. Carta di referencia pa diferente tipo di test lo wordo proporciona pa Medwork. E testnan necesario por inclui test di sanger, radiografia di pecho, y PPD/Mantoux y e costo pa esakinan mester wordo paga na e respectivo instancianan medico.
TEST DI SANGER
Pa e test di sanger, e persona por acudi na un di e siguiente laboratorionan:
- Horacio Oduber Hospital LabHOH
- Laboratorio di Servicio
- Laboratorio Familiar
- Laboratorio MEDLAB
RADIOGRAFIA
Pa e radiograpfia di pecho, e persona por acudi na un di e siguiente instancianan medico:
- Horacio Oduber Hospital – Radiologie afdeling – Tel: (+297) 587-0152/ Fax (297) 588-3794/ 587-2192
- ImSan – Radiology Department – Tel: (+297) 5248833 (ext. 855)
- Urgent Care Aruba (Noord Medical Center) – Radiology Department – Tel: (+297) 5860448 or WhatsApp (+297) 5975549
Costo: Afl. 75,-
PPD/MANTOUX
Pa e PPD/Mantoux, e persona por pasa na ‘Dienst Besmettelijke Ziekten’ na Departamento di Salud Publico na Avicennastraat 1, Oranjestad, Aruba, riba dialuna y diamars entre 7.45 y 11.30 (mainta) of 13.15 y 15.30 (atardi). E costo ta Afl. 15,- (swipe, no cash). E resultado ta wordo lesa 48 pa 72 ora despues (2-3 dia). Den caso cu esaki no tuma lugar, mester warda 2-4 siman pa haci e test di nobo. Efectonan secundario por inclui dolor, grawatashi, y iritacion na e lugar di inyeccion. Den e caso aki, no rasca, no pone tape y no pone nada riba dje. No tin contra-indicacion pa embaraso.
2. Realisacion di screening medico y verificacion di status di vacunacion.
- Si un malesa contagioso wordo detecta of sospecha, e dokter ta referi e persona na un especialista, manera un internista of un dokter di pulmon, pa investigacion adicional, posible tratamiento y siguimento.
- Si e solicitante falta un of varios vacuna basico y e solicitante ta dispuesto pa haya esakinan, e dokter ta referi e persona na Dienst Besmettelijke Ziekten (DBZ) na DVG pa haya e vacuna(nan) cu falta.
- Solicitante di permiso cu ainda no ta vacuna, ta wordo recomenda pa considera tuma e siguiente vacunanan basico: Hepatitis B, DKTP-HiB (diftera, kinkhoest, tetanus, polio, Haemophilus influenzae tipo B), pneumokokken en MMR (cacheton, sarampi, rodehond). Aplicant di permiso por haci un cita pa vacuna na seccion di Malesanan Infeccioso di Departamneto di Salud Publico. Por haci esaki via telefon 5224241 of 5224239 of via email na [email protected] . E adres ta Avicenastraat 1 Oranjestad, Aruba. Pa mas informacion riba topico di vacuna y su importancia por click riba e siguiente link [Documento – vacuna]
3. Reporte na Dienst Besmettelijke Ziekten (DBZ).
- E dokter cu ta ehecuta e screening, ta manda e resultado di e screening medico di e solicitante na DBZ sin importa si tin doorverwijzing na un especialista of no. Tur documentacion relevante, incluyendo resultado di laboratorio y thoraxfoto, mester wordo someti na DBZ.
- Despues di posibel tratamento y siguimento pa e especialista, tambe tin cu wordo reporta na DBZ. Den e caso aki solamente ta necesario un declaracion medico. E declaracion mester indica claramente cu e persona (solicitante di permiso) a wordo trata of ta bou di siguimento na e especialista den cuestion.
4. DBZ ta duna conseho na DIMAS pa e otorgacion di e permiso.
Importante
Aspecto financiero
E solicitante mester carga tur e gastonan relaciona cu screening medico, posibel tratamento y siguimento necesario te ora e permiso ta otorga.
Rekisitonan
- Participacion na e screening ta un rekisito; rechaso di dje ta resulta den un conseho negativo.
- Aceptacion di tratamento despues di deteccion di un malesa contagioso ta un rekisito; rechaso di dje ta resulta den un conseho negativo.
