Measles (sarampi), un menasa global
ARUBA- 20.05.2024. Departamento di Salud Publico di Aruba a bin ta monitor di serca e desaroyo tumando luga na Europa, Merca y recientemente den Caribe riba e casonan di transmision di e virus di Measles.
Measles of manera nos ta yame “Sarampi” ta un di e malesa nan mas contagioso cu ta existi y ta wordo causa pa e virus di sarampi. E virus aki ta transmiti su mes hopi facil via aire na momento cu e persona infecta ta tosa of nister. E malesa por ocaciona complicacion severo y asta morto. Prome cu introduccion di e vacuna contra Measles na mundo den aña 1963 tur aña un cantidad grandi di mucha particularmente bou di 5 aña tawata fayece aconsecuencia di e malesa aki. Desde introduccion di e vacuna contra Measles e casonan di Measles mundialmente a baha y na Aruba desde su introduccion na aña 1979 nos no a mira e malesa aki mas desde decadanan 80. Esaki ta danki na e grado di vacunacion halto (95%) bou di nos muchanan entre edad di 0 cu 10 aña.
Pero ta recientemente cu World Health Organisation (WHO) a bati alarma atrobe pa aumento den casonan di Measles tumando lugar den diferente pais di Europa (40 pais) y USA (18 estado) bou tanto mucha como tambe adulto. Recientemente den Caribe 2 caso di Sarampi a wordo confirma. Organisacionan di salud ta di opinion cu e brote di Measles ta tumando lugar debi na reduccion den grado di vacunacion particularmente despues di e Pandemia di COVID. Mas hopi persona disidi cu nan no ta vacuna nan yiu contra Measles, mas e immunidad di e pais ta baha ocacionando cu e posibilidad ta bira mas grandi pa e virus transmiti su mes atravez di esnan cu no ta vacuna pero tambe esnan mas vulnerabel.
Manera nos a informa Departamento di Salud Pubico a bin ta monitor e desaroyo mundial aki di cerca y a cuminsa reuni tambe cu diferente partners pa cuminsa traha riba un plan pa mitiga of reduci e posibilidad cu Aruba lo por haya un caso importa di Measles. Mescos cu e virus di COVID tawata imposibel pa nos a evita e virus di drenta nos pais, ta importante si pa internamente nos pais ta bon prepara pa maneha su transmision ora esaki drenta y alavez ofrece proteccion na e grupo di ciudadanonan mas na riesgo di bira hopi malo of hasta fayece si nan bin den contacto cu e virus.
Den e siguiente dianan DVG lo bay ta informando comunidad mas riba e desaroyonan rond di e virus aki y e pasonan cu Aruba ta tumando pa prepara pa cu esaki.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
- DVG ta informa riba EXPO Promove Salud y Bienestar 2024
- Mpox declara un estado di emergencia pa salud publico cu preocupacion internacional
- DVG ta registrando aumento den casonan di COVID
- STEPS 2023 – Resultado di investigacion riba uso di remedi
- Informacion tocante e proceso di screening medico pa solicitante di permiso di DIMAS Aruba
- September 2024
- August 2024
- July 2024
- June 2024
- May 2024
- April 2024
- February 2024
- January 2024
- December 2023
- November 2023
- October 2023
- August 2023
- July 2023
- June 2023
- May 2023
- March 2023
- February 2023
- November 2022
- October 2022
- August 2022
- July 2022
- March 2022
- February 2022
- November 2021
- August 2021
- July 2021
- June 2021
- May 2021
- February 2021